What is a musical house? How is it different for a 3 year old and a 6 year old? What are the right instruments at different ages? Let’s talk about it together for 5 min.
Here are some simple examples of music shelf and baskets.
Sangeet bhara ghar
Aap ek curious parent hai, aur agle paanch mein hum bachon ke baare mein baat karenge.
Agar musical ghar banana hai to sabse pehle humein yeh to pata hona chahiye ke musical instruments hote kitne tarah ke hai. To chaliye dekhte hai.
Chinese log musical instruments ko divide karte hai according to what they are made from: jaise ke stone, wood, silk and metal. But sabse popular tareeka musical instruments ko divide karne ka hai: by how they produce sound. Unhein se sound kaise aata hai. Yeh imp hai kyonki kiss age pe bachey ke liye kaunse instrument best hai yeh sound kaise aata hai uspe depend karta hai.
To pehle hai
Phir aate hai electronic toys. Research yeh bolti hai ke kids don’t like electronic toys. Mera personal experience meri beti ke saath bhi yehi raha hai. Ek do baar khel ke woh choot jaate hai. Woh mehanga birthday gifts dene ke liye aacha hai lekin bachon ke liye unka koi khaas use nahin. The reason kids don’t like it is because bachon ke imagination ka kaam to electronics ne pehle hi kar diya. To khelne ke liye bacha kya. And humein apne bachey ke sochney ki shramata toy banane waalon ko outsource nahin karni hai. Isliye electronic toys par paise waste karke zyada matlab nahin hai.
Wiase bhi aapko hamesha bahar se musical instrument ki zaroorat nahin hai kyonki music instruments to ghar mein sab jagah hai. Katori aur chamach rakh diya to music instrument ban gaya. Hamari poori body ek music instrument hai - clapping hands, taali bajana, chutki bajana, tapping fingers, sab music hai.
Best yeh ke our mouth is also a wind instrument. And a good one. Free hai, hamare saath hai hamesha. Hum gaana gaa sakte hai. Kabhi bhi kahin bhi. Aur bachon ko pasand hai. 3 se 6 saal ke bachon ko clapping and tapping mein bahut maza aata hai. Unko aacha lagta hai apni body ko as a musical instrument use karne mein.
To mera bache ke liya mein kaunsa music instrument loon yeh sahi sawaal nahin hai. Ek baar age wise thoda dekh liya ke 2 saal ke bachey percussion instrument bajate hai, ke 6 saal se upar ke bachon ke liye wind instrument ya singing best hia to bass utna kaafi hai.
Dhyaan dena hai to is baat pe ke Ghar ka environment kaise banana hai music waala.
Chaliye kuch aasaan tareeke dekhte hia ghar ko musical banane ke.
Agar aap music instruments ka set order kar rahe hai to ek pro tip aapke liye yeh hai: ke bachey ko instruments ek ek karke dijiye, sab ek saath nahin. Ek saath dene se har instrument ki jo khaas baat hai woh khatam ho jaati hai kyonki bacha saare instruments mein kho jaata hai. Dheere chaliye - ek simple instrument dijiye jaise egg shaker and bachey ko khelne dijiye jab take woh chahe. Interest khatam ho to doosra dijiye. Aise dheere dheere aapki musical shelf basket bhi ban jayegi.
Ab aap pooch sakte hai ke yeh sab karne se kya mera bacha musician banega. Well, yeh to pata nahin lekin music basket mobile screen se better hai, yeh pakka hai. Aur music ki is journey mein agar aapka bacha kissi musical instrument ko seekhne ke liye bole to aap bilkul use laa kar de sakte hai.
Meri beti ki school mein unki Yoga teacher ne ek baat kahi thi sab parents ko jo mujhe aaj tak yaad hai. Unhone parents ko bola ke yoga ki class dekh ke aap mein se kissi kissi ko lag raha hoga ke bachey theek se to aasan nahin kar rahe, to yeh yoga kiss kaam ka. Lekin aap usko is nazar se mat dekhiye. Theek se aasan seekhne ke liye zindagi padi hai. Abhi choti umar mein yoga ke prati bache ka ek positive sambandh ho yeh zaroori hai.
Music ke saath bhi aisa hi kuch hai.
Agar hum bachon ke bachban mein chote chote kaam kar ke ghar ko musical bana sakte hai to zindagi bhar music bachon ke saath reh sakta hai.
Mera naam Harpreet hai. Apne bachon ke liye 5 min mere saath bitane ke mein shukriya. Phir milenge.
Join the curious parents' community to receive one researched newsletter every month to understand your child better.
