Trust is a common link that keeps relationship intact. Parents and kids also thrive on mutual trust. We often break our children’s trust. How? Come, let’s talk about it.
Bacche ka bharosa
Mera naam Harpreet hai. Aur hum agle 5 min bachon ke baare mein baat karenge.
Zindagi mein aapke aur aapke bachon ke beech sabse important cheez kya hai. Kya hai jo aap kabhi bhi khona nahin chahenge, chahe kuch bhi ho jaye. Woh hai bharosa. Jab tak aapko aapke bachon par bharosa hai aur aapke bachon ko aap par tab tak kuch bhi ho jaye aapko pata hai ke aap dono ka relationship, aapka sambandh sahi rahega.
Aap ek doosre se kuch bhi baat kar paoge aur sabse zaroori yeh ke aapko lagega ke haan hum ek doosre ke saath hai. Lekin yehi bharosa hum bachon ka har roz todte hai. Kabhi kuch aise cheezon ke liye jo humein bachey ke liye sahi lagti hai, kabhi kabhi thoda sa apne swarth ke liye aur kabhi kabhi aise hi bina zyada soche samjhe. Beta chalo ghar chalo, khelne ka samay khatam ho gaya hai Mujhe aur khelna hai papa Arey beta park band ho raha hai, watchman uncle keh rahe hai sabko Bacha ruk to jaata hai. Aur aap use park se bahar ke aur leke jaana shuru bhi ho jaate ho.
Lekin uski nazrein dekh to rahi hai ke baaki bachey to abhi bhi khel rahe hai park mein. Unko to security uncle kuch nahin keh rahe. Kabhi kabhi jhotth us samay ke nahin hote. Lekin aage ke promise hote hai. Mummy ice cream khani hai. Beta kal khayenge? Aur woh kal tab tak nahin aata kab tak bache ko yaad na aaye. Kaafi saare jhooth bachon ki bhalai ke liye hi hote hai. Papa phone dekhna hai. Beta battery khatam ho gayi hai. Tum khud se khelo.
Aur 5 min ke baad papa usse phone par dost se baat kar rahe hai. Mummy toffee khani hai Beta toffee khatam ho gayi hai Lekin bete ko to pata hai ke kaunse dabbe mein chipayi hui hai toffee. Iske do nuksaan hai. Pehla nuksaan yeh hia ke bacha sochta hai ke jhooth bolna ok hai, theek hai. Agar swarth ke liye bolna pade to bol do. To ho sakta hai ke dheere dheere bade hote hue woh aapse aur doosron se aise chote chote jhooth bolna shuru ho jaata hai.
Beta kya kar rahe the. Papa mein padai kar raha tha, jabki woh comic pad raha tha. Beta kahan gaye the? Mummy garden gaya tha jabki woh doston ke saath kahin aur hi ghoom raha tha. Yeh pehla nuksaan hai ke humnein bache ko sikha diya ke jhooth bolna theek hai. Doosra nuksaan isse bhi bada hai. Woh bharose ka hai.
Kall hum bache ko bolenge, padai kar, tumhare liye jeevan mein achi hai. Bacha sochega kya pata mummy jhooth bol rahi hai. Jab yehi beti badi hogi aur maaniye aap usko bologe, beti yeh ladka theek nahin lag raha, is se shaadi mat kar. To woh sochegi, ke shayad mummy apne swarth ke liye merese jhooth bol rahi hogi. Mein mummy pe bharosa nahin kar sakti. Kyonki woh bharosa humnein bahut saal chote chote jhooth bol kar tod diya hai. Aise jhooth jinko bol kar hamara us waqt to kaam ho gaya par lambey samay mein kaam bigad gaya. Lekin karein to kya karein. Kyonki yeh jhooth bhi zarrori kisam ke lagte hai.
Arey ghar pahunchana hai garden se, roti banani hia, khani hai. Sona hai, subah school jaana hai. Ice cream se toffee se daant kharaab hote hai. Mobile se aakhein kharaab hoti hai. Ab jhooth na bolein to karein kya. Sach boliye.
Yeh bolna ke ab ghar jaane ka samay hai. Hamare ghar ka niyam hai ke 7 baje ghar pahunchege. Aur phir pyaar se but mazbooti se bachey ka haath pakad kar ghar ke taraf jaiye. Ice cream nahin kha sakte, toffee nahin kha sakte. Kyonki isse daant kharab hote hai. Yeh junk food hai. Phone nahin dekh sakte kyonki isse aakhein kharaab hoti hai. Ab rota hai bacha to ronein de. Jab usko pata chala ke rone se mobile nahin milega to chup ho jayega. Jhooth bolne aasaan hai. Sach bolna kathin.
Lekin jaise jhooth bolne ke 2 bade nuksaaan hai. Sach bolne ke 2 bade faayde hai. Jab hum bache ko wajah batate hai cheezon ki to bachey ka gyaan badta hai, knowledge badti hai. Khud se sochne ki sharamta badti hai. Bacha poochta hai: kyon nahin de rahe, aur humein batana padta hai. Ke toffee mein mitha hota hai, woh tumhare liye aur daanton ke liye aacha nahin hai.
Aur doosra faayda bahutu bada hai. Hamari hamare bachey se baat cheet shuru ho jaati hai. Asli baat cheet. Toffee kyon nahin khani chahiye, mobile kyon nahin dekh sakte, ghar jaana kyon zaroori hai.
Yeh sab asli baat cheet hai jo chahe us samay thodi mushkil lage lekin lambey samein mein humein bachon ke kareeb le jaati hai. Kitna aacha hai, ke ek chote jhooth ki jagah hum bachey se khule dil se baat kar sakte hai. Bass humein itna dekhna hai ke hamare pass hamare bachon se utni baat karne ka samein ho. Aap parr duniya mein sab se zyada bharosa aapke bachey karte hai. Sabb se zyada.
To agli baar aap doctor ke pass apne bachey ko injection lagwane ke liye leke jayein aur bacha poochey ke mummy kya dard hoga? To chota sa jhooth bolne ki jagah, ho sake to sach boliye. Aur bache ka bharosa khone ki jagah us situation ko bachey se baat karne ke liye istemaal kijiye.
Mera naam Harpreet hai. Aapni mere saath apne bachon ke liye 5 min bitaye iske liye mein aapka shukraguzzar hoon.
Agar aapko is episode mein kahin baat sahi lagi to aap aur parents, grandparents ke saath isko share kijiye.
Phir MIlenge.
Join the curious parents' community to receive one researched newsletter every month to understand your child better.
